ZALEN July 20, 2026 : Mizoram Govt. Adhoc Aided High School Teacher Association (MIGAHTA) chuan Adhoc Aided High School-te provincialised-a dah let tura sawrkar an ngenna chhanna an hmuh loh avangin lungawilohna lantirna dawn.

MIGAHTA thuchhuah chuan July 21 leh 22, 2026-ah Mizoram puma Adhoc High School 80 chuang te chuan Badge dum an bel dawn a. Hei hian awmzia a neih loh chuan July 23 leh 24-ah No Teaching Day, July 27 leh 28-ah Mass Casual Leave, July 29 atanga 31 thlengin Aizawlah Peaceful Sit-in Demonstration an nei leh dawn thu an sawi.

MIGAHTA chuan kum 2023-a Provincialised an nih hnuah "Power to Relax" clause awm loh avanga Provincialisation tih tawh paihthlak (revoke) leh an nih chu dik lo an ti a. Council of Ministers Meeting-in a lo pass tawh ang ngeiin kan dinhmun ngai Provincialised-a dah let turin sawrkar kan phut a ni an ti.

Adhoc Grant-in-Aid School-te chu Lumpsum Grant-in-Aid dinhmuna dah let tum chu an pawm thei loh thu sawiin, mipuite hrethiamna leh thlawpna an ngen bawk. Association chuan thingtlang leh hmun hla zawka zirlaite tana sorkar school mamawhna pawimawhzia sawiin, an hmalaknaah mipuite'n tawiawm turin an sawm a ni.