ZALEN December 17, 2025: Agriculture & Farmers Welfare Department chuan tun hnai khan SASCI 2025-2026 Part VII-B hnuaiah Digital Crop Survey (DCS) kalpui tha lawmman chu Kharif 2025 atangin Vaibelchhe 60 an dawng.

Agriculture & Farmers Welfare Department Minister PC Vanlalruata sawi dan chuan Kharif 2025 hi rampuma kalpui turin hmalak a ni a. Government of India chuan State hrang hrang te chu district tinah Digital Crop Survey nei turin a tih thu a sawi.

Survey dan hi chi thum a awm a, Milestone 1-ah hian District tina khaw pakhat ah Digital Crop Survey kalpui tur a ni, Crore 50 dawn theihna a ni. Milestone-2-ah hian District tina khaw awmzat atanga 25%-ah survey neih tur niin Crore 30 dawn theihna a ni a, Milestone-3 ah hian District tina khaw awmzat atanga 50%-ah Digital Crop Survey hi neih tur a ni a, Crore 15 dawn theihna a ni.

Mizoram hian Milestone-1 ah hian lawmman hi a dawng a, India hmarchhak state tan bik Vaibelchhe 10 sawm pek belh an nih avangin Vaibelchhe 60 hi an dawng a, he pawisa hi Agriculture Department ta tur bik ni lovin Planning Department chuan an tul angin a hmang dawn a ni. Agriculture Minister PC Vanlalruata chuan sawrkar tana hetiang zat sum an thawkchhuak chu an lawm hle tih a sawi a, hemi atana thawktute inpekna leh Revenue department te hmalaksak naah lawmthu a sawi.