ZALEN, MAY 07, 2026 : Vawiin khan Aizawl Municipal Corporation thar chu BoC Meeting Hall-ah lakluh a ni a. Ward indawt danin Corporator thlan thar 19 te chu rinna thutiam lain lakluh an ni a. Lakluh inkhawm hi Er. Lalhriatpuia, Aizawl DC chuan a kaihhruai a ni.

An zingah hian H. Lalremtluanga W-VI chu Aizawl Municipal Corporation Mayor thar atan rawtna siamin an ruat nghal a. Deputy Mayor atan R. Lalawmpuii, W XVI chu an zingah rawtna hmang bawkin an ruat nghal bawk a ni. DC chuan rinna thutiam hmangin Mayor leh Deputy Mayor tharte chu a lalut a.

Executive Corporator atan Christina Roluahpuii Sailo W-VIII, Vanlalhruaia W-XIII, Vanlalfaka W-III, K. Lalrodinga W-VIII te rinna thutiam hmanga lakluh leh an ni bawk.

Aizawl Municipal Corporator thar lakluh te chu Vanlalhriata Ward I, R Lalmawipuii, Ward II, Vanlalfaka Ward III, Vanlalhriatrengi Ward IV, Dr. Lallawmkimi Tochhawng Ward V, H. Lalremtluanga Ward VI, Zochhuana Ward VII, Christina Roluahpuii Sailo VIII, B. Lalawmpuii Ward IX, PB. Lallawmzuala Ward X, Helen Rualchhingi Ward XI, C. Vanlalhruaii Ward XII, Vanlalhruaia Ward XIII, Roy Lalhriatpuia XIV, VL Zamlova XV, R. Lalawmpuii XVI, Lalremruati Sailo Ward VII, K. Lalrodinga Ward VIII leh Dr. Lalmalsawma Nghaka Ward XIX te an ni.

Mayor leh Dy. Mayor chanchin tawi

AMC Mayor thar H. Lalremtluanga, 43 hi thiamna lamah BA (English) a ni a, hna hrang hrang thawk kual tawhin - Outreach Worker, FXB International ; Teacher, New Horizon School leh Assistant, SIPMIU, Aizawl te a lo ni tawh a, tuna a tlinna AMC- Ward No. VI Corporator hi a lo ni tawh a ni.

Deputy Mayor R. Lalawmpuii (Maawmi), (45) hi AMC Ward-XVI atanga thlan tlin niin, thiamna lamah M.A Political Science in International Polities and Civies from University of Mumbai. Kum 2023 atanga tun thlengin President Zonu General Headquarters a ni.

Mizoram sawrkarah Member, Telecom Advisory Committee a ni a. Doodarshan Kendra, Aizawl Commercial Cell-ah Resource Person hna a thawk thin a, Private Higher SS leh Springdale School, Bethlehem Vengthlangah-te zirtirtu hna a lo thawk tawh thin bawk.