October 24, 2023; Aizawl South III candidate pali (4) zingah ZPM candidate Baryli-i a rethei ber a, 'Lalpa Chhiahhlawh Intelkhawm' tia invuah Zoramthar hotupa ber Zaichhawna Hlawndo dinna bial a ni bawk...

He bial hi Aizawl hming pu MLA bial ah tunhnai chho a sawi hlawh ber pawl an ni a, South III lo bial tawh tu, INC atangin minister hlui KS. Thanga leh a thuihhruai ten ZPM an awm a, chu chuan South III politics pawh a ti lum thar hle. Chumi boruak kal zelah a then MNF ah an lut leh a, inbeihna pawh a sang chho viau niin a lang.

Aizawl South III Candidate te (mimal) hausakna Affidavit a an tarlan dan :

Baryl Vanneihsangi (ZPM) :

Khawih chet theih (moveable assets) pawisa, lirthei tlereuh etc. Rs.1,28,501 hu a nei a, khawih chet theih loh (Immoveable assets) ram, in etc. ama hming a neih a nei lo.

Rev. Dr. Zaichhawna Hlawndo (Independent) :

Khawih chet theih (moveable assets) pawisa, lirthei, tlereuh etc. Rs. 5,97,453 hu a nei a, khawih chet theih loh (immoveable assets) ram, in etc. Rs. Nuai 300 hu a nei.

Rosiamngheta (INC):

Khawih chet theih (moveable assets) pawisa, lirthei, tlereuh etc. Rs.54,83,852 hu a nei a, khawih chet theih loh (Immoveable assets) ram, in etc. Rs. 2,07,00,000 hu a nei. 

F. Lalnunmawia (MNF) :

Khawih chet theih (moveable assets) pawisa, lirthei, tlereuh etc. Rs. 48,10,179 hu a nei a, khawih chet theih loh (Immoveable assets) ram, in etc. Rs. 1,51,00,000 hu a nei bawk.