ZALEN August 20, 2026 : Thawhlehni khan Assam aṭanga dan lova Mizoram lama vawk phurh luh, vawk puitling 45, Aizawla talh tura lakluh nia sawi te chu Zamuangah a phur luttu mi 5 te nen man an ni.

Thu lakna tarlan danin, heng vawkte hi Assam lam aṭanga lokalin, lirthei 5 hmangin phurh luh a ni a. Zawlnuam Vety Check Post helin an kal a, Zamuangah man a nih hnu-ah Mamit panpui leh ani.

Heng vawkte leh a phurhna lirthei te hi man niin, District Bawrhsapin 'criminal complaint' thehlutin, Vety doctor ten 'random test' an tih hnu-ah African Swine Fever (ASF) an ni tih hmuhchhuah a ni a. Court thupek angin kahhlum vek an ni.

Dr Saipari Sailo, DVO, Mamit kaihruaina hnuaiah Thawhlehni zan khan Vawk thlanmual (Mamit kawtchhuah) Mualpui hmunah phum bo nghal a ni.

Heng dan phalh loha Mizorama vawk phur lut tute hi Lalnunsanga Kanhmun; Mechael Santinrai, Kanhmun; Thlamuankima, Kanhmun; James-a, Kanhmun leh Lalrindika, Rengdil nia inchhâl te an ni a. Thubuai siamsak an ni a, District Court-ah September ni 8, 2026-ah inlan leh tura chhuah an ni.