ZALEN April 13, 2026: General Election to Aizawl Municipal Corporation (AMC) 2026 tukin zing atanga khan atana kum upa te, damlo natna khirh bik nei polling station pan theilo te leh pianphung a rualbanlo polling station pan theilo te tana a vote thlak theihna tura ruahman, Home Voting chu kalpui tan a ni.

Home Voting hi ni 13.4.2026 (Monday) atanga ni 16.4.2026 (Thursday) thleng kalpui tura ruahman a ni. Home Voting hi AMC Ward 19-ah kalpui vek tur a ni a, Ward tinah Home Voting Team pakhat theuh awm in, Home Voting ti tura dilna lut zat hi 2769 a ni a, ni 4 chhunga vote thlak hi zawh hman tura ruahman a ni, Municipal Ward – 2 ah dilna hi lut tamber in diltu mi 209 an awm a ni.

Home Voting Team tirhchhuahnaah hian General Observers te, DEO aiawh Election Officers & staffs te, Ward tin MROs leh AMROs te, Home Voting Nodal Officer te, EVMs Nodal Officer te, Information & Publicity Nodal Officer te leh Political Party aiawh te an tel a ni.

Hriat theih chinah vawiin Home Voting a, Vote thlak upa pahnih te chu Nghakliani, Kum 102, Dawrpui veng, Ward-IX hnuai a mi leh Darkhumi, kum 102, Dawrpui Vengthar, Ward XIII te an ni