ZALEN Nov. 7, 2025 : Pawl pali in inremna an ziah angin, vawiin (7.11.25) aṭangin Aizawl Municipal Corporation huam chhungah vawksa rate tih san a ni.

MIZORAM STATE CONSUMERS’ UNION, AIZAWL CITY LOCAL COUNCILS’ ASSOCIATION, ALL MIZORAM VAWK VULH ASSOCIATION LEH AIZAWL CITY VAWK SA ZUAR ASSOCIATION INREMNA

Tuna AMC area-a vawk sa rate kan hman mek Rs. 400/kg hi kum 2020 atanga hman tan tawh a ni a. Tunah hian vawk chaw man, vawk note man leh motor hman man a lo to chho tawh a, hei bakah hian vawk hri leng African Swine Fever (ASF) avangin vawk supply a tlem phah hle a. Chu vang chuan vawiin 7.11.2025 (Friday) ah hian keini a hnuaia hming ziaktute hian Aizawl-a vawk sa rate chungchangah hetiang hian inremna kan siam a, thu leh awm hma atana hman tur a ni:

Vawk sa rate - Rs. 450/kg

A chunga kan agreement siam hi bawhchhia an awm a nih chuan a tul angin an chungchang ngaihtuah a ni ang.