ZALEN Nov. 4, 2025 : Aizawl Municipal Corporation (AMC) chuan kumin 2025 krismas leh kumthar 2026 lawmna atana Aizawl khawpui chhunga kawn chei tha te tan lawmman a siam dawn.

AMC in hriattirna a tihchhuah a tarlan a nih danin, 'kawn' tih hian kawn, kawngpui dung leh hmun remchang dangte, krismas leh kumthar puala chei a nih chuan a huam tel ang.

December 2025 thla tirah kawn chei te hi endik a ni ang a, endik laia a dinhmun a zirin a titha thlan chhuah a ni ang. Hemi vang hian kawnchei turte chu November 2025 chhunga chei hman tawh tura beisei an ni. Lawmman hi a cheitu, entirnan - LC/NGO/Pawl hminga pek a ni ang. LC pakhat huam chhungah hmun khat aia tam chei a nih chuan hmun khat anga ngaih a ni anga, lawmman pakhat hlan a ni ang.

Lawmman siam dan tur

Pakhatna - Rs. Nuai 2 + Citation

Pahnihna - Rs. Nuai 1.5 + Citation

Pathumna - Rs. Nuai 1 + Citation

4. Consolation prize - Rs. 50,000 + Citation (7 nos.)

#ZalenNews