ZALEN April 28, 2026 : ZPM Party chuan vawiinah khan Vaivakawn YMA Hall-ah AMC Election 2026-a hnehna an chan an lawm a, he hunah hian UD&PA Minister K. Sapdanga chuan AMC hotu turte puanna neiin H. Lalremtluanga W-6 chu Mayor tur atan a puang.

AMC Mayor tura puan H. Lalremtluanga, 43 hi a nu leh pa H. Biakchhunga leh Biakchungnungi an ni. Diana Zosangpuii Sailo d/o Dr. Lalsawmliana Sailo, Zotlang nen inneiin, fa pali 4, mipa 3 leh hmeichhia pakhat an nei a, Chanmari West -ah an cheng mek a ni.

Thiamna lamah BA (English) a ni a, hna hrang hrang thawk kual tawhin - Outreach Worker, FXB International ; Teacher, New Horizon School leh Assistant, SIPMIU, Aizawl te a lo ni tawh a, tuna a tlinna AMC- Ward No. VI Corporator hi a lo ni tawh a ni.

Chanmari West Branch YMA-ah Executive member leh Adviser te a lo nih tawh a, Section Office Bearer te pawh a lo ni tawh a ni.

Chanmari West Hmar Veng Presbyterian Kohhran Branch leh Bial KTP-ah Office Bearer post hrang hrang kum 10 chuang a lo chelh tawh a, tunah hian Chanmari West Hmar Veng Presbyterian Kohhran Upa a ni mek a ni.

AMC hruaitu tur te :-

Mayor : H. Lalremtluanga W-6

D.Mayor: R. Lalawmpuii W-16

Executive Corporator :

1. Christina Roluahpuii Sailo W-8

2. Vanlalhruaia W-13

3. Vanlalfaka W-3

4. K. Lalrodinga W-18