ZALEN September 10, 2026 : All Mizoram Petroleum Dealers Association (AMPEDA) chuan MZP-in petrol pump manager (hnamdang) thenkhatte office-ah an hreng a, an account-ah pawisa tih luihna-in September ni 7 khan cheng nuai 2 an transfer tir tih an tarlang.

Pump thenkhatah pawh cheng nuai khat leh singhnih an account-ah transfer turin tih anih thu an sawi a, AMPEDA Emergency Meeting chuan tha a ti lo hle a, a tawp thleng in kan do zel dawn an ti.

AMPEDA chuan pawisa an lo laksak tawhte hi September ni 16 ral hmaa pekir tur leh tuna pawisa pe tura an tihte hi an hnuk kir lo anih chuan Mizoram-a petrol pump zawng zawng chu September ni 17 atangin tiam chin awm lovin khar an tum thu an tarlang.

Pawisa chhuhsak leh hnathawkte in hrensak chu pawi an tih thu sawiin, hetiang thil hi tun hnu-ah a thleng tawh lo turin an duh thu AMPEDA chuan an sawi.