ZALEN April 14, 2026 : Bangladesh-a hripui Sentut chi khat (Measles Rubella) leng mekah Kawrthah-a Village Council pathum - Kawrthah, Kawrthah South & Kawrthah North te chuan thuchhuah intawm an siam a, an thenawm state Tripura/ Damcherra area piah lam tlawh lo turin an ngen.

Kawrthah Joint Village Council chuan thuchhuah siamin Bangladesh-ah hripui Measles Rubella chu a len mek a vangin mi tam takin nunna an chan phah tawh an ti a, state thenawm Tripura lamawh pawh mi eng emaw zatin an kai tawh avangin Health Department atanga thurawn an dawn angin khawtlang mipuite an thenawm stat Tripura/Damcherra area lam kal lo tur hian ngenna an siam a ni.

Kawrthah-ah hian Village Council pathum, Kawrthah VC bakah Kawrthah South & Kawrthah North Village Council te an awm a, Kawrthat North Village Council hian tun hnaiah India rama thingtlang khua tana lawmman ngaihhlut hlawh tak, Deen Dayal Upadhyay Panchayat Satat Vikas, 2025 "Clean & Green Panchayat,"-ah national level-ah pakhatna dinhmun an hauh a ni.