Nizan zanlai Champions League group C inkhelhah Barca-in Viktoria Plzen 5-1 in an sawp a, Bayern Munich chuan Inter Milan sihnih faiin an hneh bawk. A club thar tana hat-trick siam Lewandowski chuan kar leh hian a club hlui a hmachhawn ang. 

Barcelona tana Champions League a inlanna hmasa berah Lewandowski chuan a club thar tan hat-trick a siam nghal a, kum 34 mi Poland forward hian July thlaa Bayern a chhuahsan hnu khan a club thar tan game 5-ah inlan tawhin goal riat a khung tawh. 

Mual neitu Barca hian inkhelh hi thununin an chungnung zawk hle a, ball possession 76% zet changin shot 20 zet an nei bawk. Mikual Viktoria Plzen lam hian shot tum 8 nei vein goal zawnah phei chuan tum 1 chiah a kal a ni. Barca tan Lewandowski-a'n hat-trick a siam bakah Franck Kessie leh Manchester City forward hlui Ferran Torres ten goal an khung a, Viktoria Plzen tan Sykora'n goal a khung ve bawk.

Lewandowski hian free transfer-in 2014 khan Borussia Dortmund atangin Bayern a zawm a, season liam ta khan game 46-ah goal 50 a thun a, a ho hian a zawnin Bundesliga-ah tum 10 an champion tawh a ni. Bayern tan hian game 374-ah goal 344 thunin Bayern tana goal thun tam ber Gerd Muller dawtah chiah a awm.

Inkhelh tlangpui thlirna: 

0' Match khelh tan a ni. 

3' Box chhungah Lewandowski an titlu a, penalty beisei viau mah se a hlawh chhuak zo lo. 

12' Barca tan Kessie-a'n goal a khung. Barcelona 1-0 Viktoria Plzen

22' Kessie-a bawkin goal-ah a shot a a goal lo hlauh. 

33' Lewandowski an a goal khatna a khung. Barcelona 2-0 Viktoria Plzen

40' Pedri-a goal shot an lo dan sak. 

43' Plzen tan J. Sykora'n an goal khatna a thun. Barcelona 2-1 Viktoria Plzen

47' Lewandowski a rawn lang lehin a goal hnihna a thun. Barcelona 3-1 Viktoria Plzen

55' T. Chorý-a'n yellow card a hmu.

66' Lewandowski a bawk rawn lang lehin a hat-trick siamna goal a khung leh. Barcelona 4-1 Viktoria Plzen 

Line-ups
Barcelona XI: Lewandowski, Alba, Ter Stegen, Roberto, Christensen, Kessie, Dembele, De Jong, Kounde, Fati, Pedri
Subs: Pique, Busquets, Depay, Pena, Ferran Torres, Raphinha, Ronald Araujo, Eric Garcia, Arnau Tenas, Álex Baldé, Gavi

Viktoria Plzen XI: L. Hejda, L. Pernica, J. Sýkora, T. Chorý, J. Mosquera, J. Staněk, M. Havel, A. Vlkanova, L. Kalvach, V. Jemelka, P. Bucha
Subs: V. Pilař, A. Čermák, E. Jirka, M. Tijani