ZALEN March 26, 2026: Aizawl South III bialtu MLA Baryl Vanneihsangi chungchang social media-a mawi lo taka thu thehdarhtu-a puh 'Rfa Rfralte' chu court phalna angin Cyber Crime Police te chuan an chhuah.

Cyber Crime Police Station atanga thudawn danin he account neitu hi man a ni a, zan thum chhung police lam hian an kawl a, a phone an seize sak hnuah pawh 'Rfa Rfaralte' account hmang hian thu post a la awm zel a, a mail hmanga chhui zui zel niin foreign thlenga chhui thlen a ni a, India ram pawna atanga tih niin an ngai a, an mi man hi an chhuah ta tih ZALEN an hrilh.

ZPM Zonu Hqrs. chuan Cyber Crime Police Station-ah 'Rfa Rfralte' lakah hian March 26, 2026 khan FIR an thehlut a, 'Rfa Rfralte' inti hian Facebook Group – 'Zoram Politics leh News Group' -ah Baryl Vanneihsangi thlalak pahnih dahin a caption-ah "Hman deuh khan milian hoin duh duh huna koh theih nu kha ani ve tlat, tunah pawh an la ko reng thinin ka ring' tih a ziah vang a ni.