ZALEN March 16, 2026: Bawngkawn Chhimveng Presbyterian Kohhran chuan an Kohhran mi Mizoram Universal Health Care Scheme (MUCHS) ti duh sum harsatna avanga ti thei lo an awm chuan Bialtu Upa te hnenah inhriattir turin an ti.

Bawngkawn Chhimveng Presbyterian Kohhran chuan , "Mizoram sawrkari'n Mizoram Universal Health Care Scheme (MUCHS) a duanah hian damloh ni khuaa damdawiina inenkawlna senso min phuhrûksak theih dawn bâkah, inenkawl man mahni inséngso lova (cashless system) kalpui tura ruahman a ni a. Damlo inenkawlna senso phurrit tling thei tur sut kianna tha tak a nih avangin, kan Kohhran chhungkua a tam thei ang ber MUCHS a inziak lût turin kan inngên a ni," an ti.

Bawngkawn Chhimveng Kohhran thuchhuak chuan, "Kan Kohhran mi te zingah MUCHS ti duh, sum harsat avanga ti thei lo kan awm a nih chuan Bialtu Upa te hnênah March 28.2026 (Inrinni) thleng inhriattir theih a ni. Bialtu Upa hriatpuia inhriattir te hi Kohhrani'n a tih sak dân kawng a zawnpui ang. (Hei hian Testimonial-a awm te a huam hrih lo ang.)," a ti bawk.