Aizawl: Saitual khua chuan kumin 2015-a an kum za tlin lawmna kal mekah, Mizo Novel ziaktu hmasa ber L.Biakliana ruhro chu an phumna hmun Shillong atanga lain Saitualah phum an tum niin Zalen-in thu a dawng. L.Biakliana ruhro la tur hian nimin khan Saitual Centenary Celebration Committee hruaitute chuan Shillong an pan a, March ni 12 ah Aizawl rawn luhpuiin March ni 13 ah Saitual luhpui a ni ang a, ropui taka lo hmuah tum a niin, hemi ni vek hian a lung phunna hmunah ngei zalh a ni dawn a ni. L.Biakliana hi Mizo thu leh hla lama sulsutu hmasa niin October ni 17,1947 khan lehkha a zir laiin Shillong-ah kum 23 mi lek niin a boral a ni.