ZALEN October ni 31, 2025: Dampa (S/T) Assembly constituency by-election a MNF official Dr. R. Lalthangliana chuan vawiin khan Phuldungsei, Phuldungsei veng thar leh West Phulpui khuate a tlawh a, bial chhung inkalpawhna kawng bakah Link Road te a ngaih pawimawh tur thu a sawi.

Pathian leh mipui zarah thlan tlin anih chuan Dr. R. Lalthangliana chuan bial chhung inkalpawhna kawng siamtha turin theihtawp chhuah a ni ang a, District Capital inkalpawhna kawng (link road) awm sate thuamtha tur leh khaw chhung inkalpawhna kawng tlabal tawh siamthat te, kuthnathawktute tan Agriculture Link Road tam zawk siam tura theihtawp chhuah a tum thu bakah a ngaih pawimawh hmasak tur thu a sawi.

Dr. Thangtea chuan, "Dampa chuan hnuai lamah hian hmunphiah chingtute an mangang hle a. Pu Rintluanga khan mahal a phallo a, Kg-ah Rs. 130/140-te in an hralh a, tunah Kg-ah Rs.30/40 ten an hralh ta a, hmunphiah chingtute an khawngaihthlak takzet a ni. Ni 100 inhlawhna a awm tha bawk si lo a, Electric bill a let tam takin a sang bawk si a, card var tan ration buhfai man a let thawkin a pung," tiin mipui khawngaihthlak a tih thu leh sawrkar hian hmunphiah chingtute ngaihven se a duh thu a sawi bawk.