Aizawl: December ni 6-8,2016 inkar chhunga Mizoram Legislative Assembly Session lo awm turah Bill 2 a lut tawh. Assembly Secretariat atanga Zalen thudawn danin Bill lut te hi ‘The Mizoram Fisheries (Amendment) Bill, 2016 leh The Mizoram Drug (Controlled Substances) Bill, 2016’ te an ni a, paper lay tur 4 a awm a. Session a chhan tur hian Zirtawpni thleng khan zawhna (starred question) 77 leh ziak chhan chi zawhna (unstarred question) 18 a lut tawh bawk. Speaker hova Business Advisory Committee in ruahmanna an siam dan chuan session tan ni ah hian session kar laka boral MLA pahnih LP Thangzika leh J.Lalthangliana te sun an ni ang a, a bak chu zawhna leh chhanna hun hman zawhah sawrkar thil pawimawh ngaihtuah thin a ni ang.