ZALEN November 5, 2025: Minister of State for Fisheries, Animal Husbandry and Dairying, and Minority Affairs changtu George Kurian chuan vawiin khan Dampa bial By-Election lo awm tur atana Campaign beihpui thlak turin Mizoram a lo kal a, hian Darlung-ah Public Meeting neih na ah thusawina hun neiin, MPF hruaitu ten Meeting an kaihruai Jorge Kurian Union Minister chuan thusawina hun a nei a ni.

George Kurian hian, vawiin ah Lengpui Airport lo thlengin, Lengpui atangin Dampa Bial chuanchung lama khaw hrang hrang a tlawh kual dawn a, Darlung Khua ah Public Meeting nei a hun a hmanna ah Pu George Kurian chuan, "Kum 1980 ah BJP din a nih lai atang khan BJP ka lo zawm ve tawh a, Kerala State a awm ka ni a, Kristian dik tak leh tha tak ka ni bawk a ni. Vawiin ah hian Mizoram a Kristian ten BJP hlauh kan inzirtir thin hi a mak hle mai a, vawiin thleng hian BJP ka ni a, Kristian ka ni bawk a, inremlohna leh harsatna engmah ka la tawk ngailo a ni. Chuvangin BJP hlau tura inzirtirna hi a Politics-a inbeihna mai mai a ni," a ti.

George Kurian chuan, "Vawiinah hian Kerela atanga Dampa biala ka lo Campaign nachhan chu, Dampa bial hian Development in hmuh ve theihna tur atana lo kal ka ni a, BJP in kan thupui ber chu Development a nih avangin, Mizoram hmangaih êm êm tu PM Modi chuan, tun hnaiah pawh ?8000 crore sengin Mizoram khawpui tlawh pawh thei turin Railway thar Mizoram min pe a ni. Hei hian han Mizoram tan inkalpawhna a ti awlsam a, Delhi, Kolkata leh Guwahati te tunah chuan hun rei lo te chhungin man tlawm takin kan tlawh pawh thei ta a ni. Darlung kan rawn thlen nan hian kawgpui zim tak leh chhe tak kan rawn paltlang a, State Sorkarin a ngaihthah zia che u ka hmu a, a lungchhiat thlak hle a ni. Dampa bial hian kawngpui tha tak in mamawh a, Kuthnathawktute tan Link Road te kan mamawh tih ka hre bawk a heng bakah pawh Mipui mamawh dang tamtak a awm tih ka hria, Dampa bial mamawh te hi Pu Lalhmingthanga BJP Official Candidate in thlan tlin chuan kan pe ang che u," a ti.

George Kurian chuan, "hmasawnna tak tak thleng tur chuan D2D Delhi leh Dampa, Dampa leh Delhi kan thlun zawm a ngai a ni. Delhi leh Dampa thlun zawm turin Dampa mipui te BJP Official Candidate Pu Lalhmingthanga in Vote theuh turin ka ngen in ka sawm che u a ni," a ti bawk.

George Kurian hian Darlunga hun ahman zawh ah, Kanghmun, Bawlte, Lungphun, Hreichhuk, West Lungdar ah te Public Meeting nei turin ruahman a ni a, hei bakah hian Reiek Khua ah BJP Member-te nen Interaction a nei dawn bawk a ni.

George Kurian hi Union Minister kan neih zinga Christian Minister kan neih awm chhun, India rama Christian MP kan neih tak loh avanga, Christian pa Union Minister atana PM Modi-a'n a ruat a ni bawk a ni. George Kurian chuan sawi chhunzawmin, "Dampa Bial By-election lo awm tur ah hian Union Minister te'n Dampa bial ah Development tak tak, tawngka maia thlen a nih loh nan leh Dampa bial mamawh te Dampa Mipui te'n a taka an hmuh theih nan BJP Official Candidate thlan tlin a pawimawh a ni," a ti bawk.