ZALEN October 30, 2025: BJP Mizoram State Thalai President Robinson Malsawmtluanga Hmar chuan vawiin khan CYMA President thlan thar R Lalngheta chu CYMA Office ah lawmpuina thil pek a hlan a, inkawmna neiin CYMA thawhpui turin BJP Thalai chu an inpeih reng thu a hrilh.

Robinson Hmar chuan, Mizoram thalai te hmasawnna tur hrang hrang te CYMA President hi sawi puiin, India ramin Viksit Bharat 2047 kan thlen na tur atana, Viksit Bharat thlenna tur atana Central Scheme atanga thalai tr khaichhuahna tur awm chu, Mizoram in tangkai taka an hman a, hmasawn pui ngei theihna tur leh Thalai ten hlawk taka an chhawr theih nan hma lakpui ah a sawm a ni. 

BJP Thalai President chuan BJP thalai te chuan State dang te hmasawn ruala Zoram thalai ten hma an sawn ve ngei theih nan leh Ruihhlo do kawng ah pawh a tul ang zela CYMA thawhpui an in huam thu a sawi a. BJP chuan ram leh hnam himna tur leh hmasawnna tur atan theihtawp an chhuah zel dawn a, chumi tur chuan CYMA te pawh a tul anga thawhpui tur leh Mizoram thatna tur atana in hmalakna ah theih tawp chhuaha thlawp zel tura an inpeih reng a ni a ti.

Robin Hmar chuan BJP thalai te chuan election a tling tur ngawt a Political Party a awm an ni lo a, Mizoram thalai ten hmasawnna dik an hmuh a, mahni ke a ding thei tur a hmalak chu an tum bulpui ber a ni a. An thuvawn ni reng, Nation First, Party Second, Self Last tih anih avang in chumi hlawhtlinna turin theih tawp an chhuah zel dawn a ni a ti.

BJP Thalai President hi, BJP Thalai OB ten an tawiawm bawk a ni.