ZALEN July 10, 2026 : BJP Mizoram chuan vawiin khan BJP Mizoram State Office Mipui Rûn, Upper Republic-ah Friday Political Session neiin, he huna thusawitu State Vice President JB Rualchhinga chuan PM-JAY-ah kum 70 chunglam tana Heathcare duan a ni chu lawmawm a tih thu leh Kristian an nih angin state pawna Mizo harsatna nei tan an din reng thu a sawi.

JB Rualchhinga chuan Ram hmasawnna chu an din chhan leh Politics-a an awm chhan a ni a, Mizoram mipui pawhin BJP kalphung an hre chho zel a, PM Schemes tha tak tak a bikin, PM-JAY (PM Health Insurance Scheme) bik ah Senior Citizen Kum 70 chunglam tana Healthcare a duan te hi a ropui hle a, Mizorama Kum 70 tling mi tupawh an inziak lut thei a, kum 70 tling chinte hei ringawt pawh hi ngaihven a tul hle a, thalaite'n nu leh pa, pi leh pute tan ngaiven turin a chah. PM Schemes Mizoramin kan hmelhriat lem loh leh ngaihsak vak loh a la tam hle a, BJP Sawrkarna an neih hun ah nasa zawkin an chawk luh tur thu a sawi.

BJP State Vice President chuan, "Tunlai hian BJP duhtu an pung ve zel a, BJP nihna dik tak hmu a BJP pawimawhna hriate'n BJP Office-ah lo lengin BJP chungchang an rawn zawtfiah thin a, a lawmawm hin hle a ni. Mizoram hian hlauh tur tak Pathian hlau ila, Pathian-in a ngaih pawimawhte ngai pawimawhin, a duh loh zawng te hnawl ngam ila, a thu awih kawng ah ṭhang lianin, chumi hun ah chuan dikna in ro a rel ngei ang. Chuvangin, Kristian kan ni a kan danglamna hi ringlo mi ten hmuh zel an duh a, chu chuan ring takin thu a sawi ngei dawn a ni. BJP Mizoram-a awmte hi Kristian kan nih angin, India ram hmun hrang hranga awm kan unauten harsatna an tawh pawha an aiawha ding turte leh harsatna tawk te puitu tur a palai hna thawk turte kan ni bawk a ni," a ti bawk.

JB Rualchhinga chuan CADC-ah BJP leh ZPM kaihhruai Sorkar chuan fiahna a paltlang a, Sawrkar ngelnghet tak leh mipui tana chhenfakawm tak Sawrkar a awm ngei a beisei awm ta a, CADC CEM thar hi Politician tawnhriat ngah tak, Nirupam Chakma a nih avangin CADC mipuite'n nasa taka hma an sawnpui ngei a beisei thu a sawi bawk.