ZALEN May 30, 2026: Vawiin atang khan Special Intensive Revision of Electoral Rolls, 2026 kalpui tan a ni a. District hrang hrang a Booth Level Officer ten anmahni huam chhung theuhah House-to-House visit an nei tan a. House-to-House visit hi ni 28.06.2026 (Chawllhni) thleng neih tur a ni.

BLO ten House-to-House visit an neih chhung hian in tina voter tuna electoral roll-a chuang mek te, Electoral Roll siam thar tura thun dilna Enumeration Form chu voter zawng zawng tan copy 2 theuh an sem ang a. Copy 1 (khat) la letin copy 1(khat) dang leh chu voter ten an kawl dawn a ni. BLO te hian a tul angin voter te Enumeration Form an dah khahpui ang a. Enumeration Form dahkhah sa chu BLO ten an rawn la khawm leh dawn a ni. Hemi bakah hian Enumeration Form an lak khawm saa voter-te detail chu BLO app hmangin online ah an thun leh dawn a ni.

Tun dinhmunah Mizoram chhungah Voter – 875068, Mipa - 423397 Hmeichhia - 451671 kan awm mek a ni.