ZALEN Feb 26, 2026: Finance minister, chief minister ni bawk Lalduhoma'n kum 2026-27 Mizoram budget Rs. Vbc. 17469.91 a pharh (2025-26 budget Rs. Vbc. 15198.76)

Vawiina budget a pharh zawha thuthar thehdarhtute a kawmna ah Lalduhoma chuan an sawrkar, tun term chhungin eng chhit man tihsan an tum lo tih a sawi. Kumin April ni 1 atangin sawkar hnathawkte DA 2% an pek belh leh dawn tih a sawi bawk.

Budget a tarlan pawimawh dangte:

- MLA fund atan Rs. Vbc. 80 ruahman a ni.

- Sawrkar flagship programme, Bana Kaih scheme atan kum 2026-27 (BE) ah Rs. Vbc. 350 ruahman a ni a. Heta tang hian Rs. Vbc. 150 chu thlai thar leina turin 'Thlai thar leina Under Handholding Scheme' tiin a bika dah hran a ni.

- Road maintenance atana kum 2026-27 a sum dah zawng zawng Rs. Vbc 183.25

- State ina hna pawimawh bik a kalpuina tur State Priority Project atan Rs. Vbc. 100 dah a ni.

- Social Welfare hnuaia ruihhlo ngaite enkawlna home chhawmdawl nan Rs. Nuai 70 dah a ni.

- Excise & Narcotics department hnuaia ruihhlo dona hmalakna Anti Narcotic Activities atan head thar hawngin Rs. Nuai 40 dah a ni.

- Art & Culture department hnuaiah Archaeological Survey atan Rs. Nuai 10 dah a ni a. Hei bakah hian Music & Art promote-na atan Rs. Nuai 10 dang dah a ni. Kan state chhunga NGO te puihna atan Rs. Nuai 150 ruahman a ni bawk.

- Mizoram Universal Health Care Scheme (MUHCS) bill pekna turn Rs. Vbc. 130 dah a ni a, hei bakah hian subscriber te, pensioner te leh sawrkar hnathawkte contribution atang leh corpus fund pung atangin Rs. Vbc. 50 vel hman tur a awm bawk ang.

- Agriculture department hnuaiah lo neituten 50% subsidised rate a pipe an lei theihna turin Rs. Nuai 250 dah a ni.

#ZalenNews