ZALEN July 16, 2026 : Vawiin khan Champhai Sub-Hqrs. YMA chuan Champhai khawpui chhunga Kohhran hrang hrang Pastor-te leh Kohhran hruaitute ko khawmin, ruihhlo chungchang an sawi ho.

He hunah hian Champhai Sub-Hqrs. YMA Kumpuan Committee chuan an zirchianna tarlangin, Champhai khawpui chhungah mipa leh mipa inkawp mi 60 vel leh hmeichhe inzuar mi 100 vel an awm thu an sawi. Hei bakah hian damdawi injection thin mi 1,000 chuang an awm a, damdawi dang hmang mi 30 vel leh tun hnaiah damdawi ti thar mi 30 vel an awm belh bawk tih an tarlang.

Kumin chhungin Champhai Sub-Hqrs. YMA chuan Methamphetamine kg 24, Heroin hawng 10 leh zu litre 200 chuang an man tawh a. Ruihhlo kaihhnawih avanga an man mi 10-te chu Lung In-ah dah luh an ni a, mi 38-te chu Home-ah dah luh an ni bawk.