ZALEN May 6, 2026: Chanmari leh Ramhlun South phei Laldenga Road kopang lung tla thei chu thenfai hnathawh chu, vawiin khan Aizawl DC leh Aizawl District Disaster Management Authority (ADDMA) Chairman ni bawk Er. Lalhriatpuia, IAS thupêk angin hmun hlauhawm zualpui hi thenfai hnathawh a ni.

DC office lam atanga thudawn danin, Aizawl DC leh ADDMA te hmalaknain Disaster Management-a Quick Response Team ten mipui him nan kopang lung tla mai thei te lawn chilhin thenfai a ni a, thing tla mai thei te thlak a ni bawk. Hnathawk hi Zonal Officer te pawhin enpuiin, an ṭawiawm bawk.

Vawiinah hian lirthei tlan tur hi an dang nilêng lo a, a khât tawkin an hawng zauh zauh tho niin thudawn a ni. Tuna an hmalakna a zawh hnu hian Geo Rock Wall hmangin thirlên hmangin he kopang hi an tuam leh dawn niin thudawn a ni bawk.

Helai hmun leimin leh lung tla hlauhawmna hmun hi May ni 1, 2026 khan thenfai tum a ni tawh a, mahse khua a chhiat nilèn tâk avangin kopanga lawn te a ngâi sia an thawk thei ta lo a ni.