Aizawl; Mizoram Labour Association (MLA) Gen. Hqrs. chuan Mizoram leilung atanga thar chhuah ngei leh chawk luhte chu mumal zawka hralh a nih theih nan rate thunun sawrkar an ngen tih an sawi. Antam, Maian, Bawkbawn, Samtawk, Behlawi, Hmarcha, Sawhthing leh a dangte bakah, phai lam atanga chawk luh - Alu, Dal, Purun, Tomato leh a dangte pawh a zuartu ten an duh hun hunah uchuak takin a man an tisang thin niin an sawi a. Hei hi hriatthiam harsa an tih thu sawiin, "A zuartute ngei pawhin an lei ngam lohna rate an chhiar thin hi hriatthiam har kan ti," an ti. Heng chawhmeh chi hrang hrang ‘Essential Commodities’ rate to chak lutuk hi a tuartu berte chu kut hnathawktute leh mi retheite an ni a, kum engemawzat kal ta atanga chawhmeh man bithliah, sa rate thlenga a awm lo chu a ranglam a siamtha a, rate control turin sorkar an phut tih an tarlang.