ZALEN November 1, 2025: Vawiin khan Chhinga Veng Local Council leh NGO ten an vengchhunga dan lo a sumdawng dapchhuah hnatlang an neih chhunzawm. Dan lo a vengchhunga sumdawng ni 18.10.2025 a a hmuhchhuahte october thla ral hma a in chingfel tura an tihte an bawhzui nghal.

Vawiin hnatlangah hian dan loa sumdawng mi 7 an man chhuah belh a, November ni 15, 2025 hmaa inthiar fihlim tura tih an ni.

October ni 25, 2025 (Inrinni) zan inkhawm ban khan Chhinga Veng Local Council leh Joint NGO's chuan an Veng chhunga an hmalakna kal zelah Aizawl Police Station te nen tanghoin hnam dang ILP nei lo, dân lo va an Venga awm te dap chhuah hnatlang an nei a. ILP nei lo mi thahnem tak an Veng Community Hall-ah an hruai khawm. 

Heng an hruai khawmte hi Aizawl Police Station atanga kal Sherista H.Lalnunmawia leh a ho ten Aizawl Police Stationah an hruai chho a ni. Chhinga Veng hian an Veng then thianghlim nan theih ang anga hma lak chhunzawm zel an tum.