July 11, 2023; Serchhip district chhung Sailulak khuaa Sial vulhtute chu Chinghnia vangin an la buai chhunzawm zel a, hetihlai hian nimin khan Sial seh thintu zing a mi Chinghne pakhat chu thang hmang a awh a ni.

Sailulak atanga ZALEN thudawn danin, Chinghnia in Sial a seh ruang hi nimin thleng khan hmuh a la ni a, tunhnai ringawtah 10 chuang an sehhlum tawh a, seh hliam pawh an nei nual tawh bawk.

Sailulak khua ah hian chhungkaw 46 in Sial vulhin, 300 chuang hret an vulh mek nia hriat a ni a, tunhnaiah Sial vulhtute chu Chinghne lak a an Sial te vengin an buai thei hle.

Nimin khan Chinghne pakhat chu thang hmangin an awk a, an rin danah Chinghnia hi 3/4 bawr vel an la awm.

December - March inkar hi a no neih hun vanglai niin, chung hun chho ah chuan Chinghnia hian an Sial vulh hi an rawn bei thin a, kumin a a sehhlum tawh an hriat chian, a ruang an hmuh hi 10 chuang a tling tawh.