ZALEN August 21, 2026: Mamit district-a Government Primary School, Chungtlang chuan kumin atang khan zirlai atan kum 40 mi an admit a, Class 1 zirlai tura ziahluh a ni a, ziak leh chhiar thiam duh vanga he school a lut hi a ni.

Govt. Chungtlang Primary School-a zirlai ni tur in-admit hi Lalnunthara a ni a, a pa Thanghnuna nena khawsa anni a, ZALEN thudawnna chuan anni hi hun rei tak atanga tawha Chungtlanga khawsa hi an ni a, Tripura atanga Mizoram rawn pem an ni a, Mizoram khua leh tui pawh ni tawhin Dampa AC-ah pawh vote an neiin niin thudawnna chuan a sawi.

Lalnunthara hi an chhungkaw chawmtu a ni a, inhlawhfa thin a ni bawk a, an chhungkaw eibel ber niin hriat a ni. School pawh hi a kal tha thei lo a, school a kal chang pawhin a classmate te bulah pawh a thu ngai lem lo a, staff room-ah zirtirtu a hman hmanin an zirtir mai thin a ni.

Lalnunthara hi Bru a ni a, Mizo tawng chu tha takin hmang thei mah se, ziak leh chhiar a thiam lo a, a inhlawhna atanga pawisa a dawn pawh a chhiar thiam loh avangin hrehawm a ti thin a, chuvangin sikul hi kai that phah niin thudawnna chuan a sawi. Inhlawhna a hmuh chuan school hi a kal lo mai thin a ti a. Government Primary School, Chungtlang-ah hian Pawl khat zirlai hi Nunthara nen hian mi 14 an awm a ni.