Aizawl: Chief Minister Lalduhoma chu vawiin khan a pisaah Maj. General Gagan Deep, Additional Director General, NCC NER chuan hmu in lawmpuina a hlan a. Mizorama NCC hmalakna zauh zel dan tur an sawi dun.

CM leh NCC hotupa inkawmnaah hian National Cadet Corps-in Mizorama Group Headquarters leh NCC Academy an mamawh chungchang te, NCC-ah Mizo thalai tam zawk an luh theihna turte leh Mizoram sawrkarin NCC Cadet te a hman tangkai theih dan turte an sawi dun.

Mizorama NCC-in hma a sawn theih nana an thil tih duhte fel taka ziaka a hnena thehlut turin chief minister hian a lo hrilh a, a theih ang zela a lo puih tur thu a hrilh a ni.