ZALEN, Sept. 19, 2026: Mizoram Amateur Taekwondo Association (MATA) buatsaihin 2nd Session Colour Belt Exam neih mek a ni a. Aizawl khawpui tana Inrinnia R.Dengthuama Hall, Mualpui, Aizawla buatsaihah club leh sikul hrang hrang 13 atangin taekwondoist 371 an exam.

Colour belt hrang hrang - yellow, green, green one, blue, blue one, red leh red one belt-a subject hrang hrang - physical fitness, basic technique, hand & leg technique, poomsae, self defence, sparring, breaking, speed endurance-ah exam hi buatsaih a ni.

Exam hi Chief Examiner Vanlalmawipuia, 3rd Dan black belt hovin World Taekwondo Federation black belt panga - Vanlalhmangaihthangi, Zohmingthanga, Vanlaldinpuia, TC Thasangkima leh Vanlalchhanhimi ten an endik.

Exam hawnna inkhawmah hi Korean Language Instructor Dr. C.Vanlalpekhui’n hmanpuiin taekwondo zirlaite tana Korea-a lehkha zir duh tan scholarship hmuh theihna tur hrang hrangte leh Mizote tana a thatna te a sawi.

Master Joseph Thansanga General Secretary, MATA; Dy. Chief Technical Director F.Laltanpuia leh technical member Remlalhlimpuia ten exam observer niin an hmanpui bawk.

2nd Session Colour Belt Exam hi September leh October thla chhung hian district hrang hrangah buatsaih a ni dawn a. Noah Foundation School leh AR EL School ten exam an lo hmachhawn tawh bawk.