ZALEN November 3, 2025: India rama sawrkar damdawi in tha bik tehna, National Quality Assurance Standards (NQAS) Certificate chu Primary Health Centre pakhat – Marpara PHC, Mamit District leh Urban Primary Health Centre pakhat – Zemabawk UPHC, Aizawl East District te'n an nei thar. 

Dr. Lily Chhakchhuak, Mission Director, National Health Mission, Health & Family Welfare Department chuan India rama sawrkar damdawi in ṭha bik tehna, National Quality Assurance Standards (NQAS)-a tling thar Marpara PHC leh Zemabwk UPHC te hian a tehnaah 91.97% leh 95.98% te an hmu tih a sawi a.

Hemi bakah hian Champhai District Hospital chuan nau neihna hmun ṭha bik tehna, LaQshya leh naupang enkawlna hmun ṭha bik tehna, MusQan certificate a hmu thar bawk a. LaQshya bikah hian 93.96% hmuin Platinum Badge an dawng a, MusQan-ah hian 96.57% an hmu bawk a ni.

Heti hian Mizoram chhunga Sawrkar damdawi in 54 te chu NQAS National Certificate nei tawh an ni a. Tunah hian sawrkar damdawi in 16 leh HWC Sub-Centre 23-in state level certificate nei tawhin national-level assessment an dil mek a ni. Mizoram chhunga HWC-PHC 57 target awm zinga 40 leh HWC-UPHC 9 target awm zinga 6-in NQAS certificate an nei tawh bawk a ni.