ZALEN December 10, 2025: Mizo Students' Union (MSU) ten Dan lo a khaw din tih tawp a nih theihnan an hmalakna kal zel ah Nimin leh vawiin khan Lunglei District a khaw thenkhat an enfiah a, General Headquarters atangin -Vice President Roluahpuia, Vice President ; Zodinsanga, General Secretary; Lalawmpuia Publicity Secretary leh MSU Regional Headquarters atangin Lalthangliana, President leh Johan Lalruatdika Adviser te an kal a ni.

MSU in an khaw enfiah te chu :

1) Pangtlang (New Vuakmual ti a sawi bawk) Putlungasih VC ramchhung a mi), In 68 awmna niin mi cheng 300 bawr vel leh vote nei mi 109 awmna khua.

2) Phairuangchhuah, Belthei VC ramchhung a mi In 42 awmna, mi cheng 200 bawr vel leh vote nei 98 awmna khua.

3) Sihphirtlang, Lungsen II VC huam chhung a mi, In 39 awmna, mi cheng 150 vel awmna leh vote nei mi 49 awmna ,khua te niin a mi cheng te hi Chakma deuh vek an nih thu an sawi a ni.

MSU hruaitute chuan heng dan lo a khaw din ah te hian Sawrkar hmalakna Electric Connection, Tui Connection leh 15th Finance Commission atanga hnathawh te awmin, Zirna In bakah Kohhran hrang hrang hmalakna a awm thu sawiin Dan lo a khaw din sawmpakhat (11) awm ah khaw pariat (8) an la hmabak thu leh enfiah vek an tum thu an sawi a ni.

Dan lo a khaw din enfiahna ah hian Directorate of Local Administration Department (LAD) atangin ST Lalhmingmawia, Joint Director, LAD Lunglei atangin Beithlotha Nohro, DLAO leh mi pathum an kal bawk a ni.