ZALEN September 10, 2026 : Vawiin khan Lunglei police station atanga tlanchhuak Denghmingthanga an man leh theih nana puitu Vanhne VDP member panga te Lunglei SP, Shivam Siddarth, IPS chuan a office-ah chawimawina thuziak a hlan. 

Mualthuam North tleirawl H. Lalramdinpuii thattua puh Dênga mantute hi F. Lalrinkunga, Lalbeihpuia Renthlei, Zochamliana, P. Lallawmkima leh Lalremmuana Vanhne khaw mi vek an ni.

Tarlan tawh angin Mualthuam N Tleirawl, H. Ramdinpuii that tu-a puh, Denghmingthanga chu August ni 31 zan lai dar 12 velah Lunglei Police-te kut atangin a tlanchhuak a, September ni 3 tlai dar 6:30 vel khan Vanhne ram chhunga thlam pakhatah alo mu lai man a ni.