Aizawl: School Education Minister H.Rohluna chuan Education Reforms Commission report a hlawhtlin nan sum an dil niin a sawi. Nimin Synod Conference Centre a Mizo Zirlai Pawl (MZP) in Zirtirtute Ni (Teachers Day) an hmanna ah he thu hi sawiin Education Minister chuan, "Education Reforms Commission report ti hlawhtling tur hian vaibelchhe 800 vel a ngai a, Planning Commission ah kan beisei viau laiin thiah a ni a. Tunah hian NEC leh NLCPR ah te kan beisei a, he sum hmang hian thingtlanga quarter sak leh hnadangte thawh tum a ni," a ti. Minister chuan zirtirtu indaihloh na sutkian anih theihnan hmalak zel a ni tiin, Science leh Mathematics zirtirtu lak thuai tum anih thu a sawi bawk. MZP President Lalhmachhuana chuan zirtirtute chu zirlaibu chauh nilo puitling tura nundan tha leh mawi hrang hrangte naupang hnena zirtir thin turin a ngen a. "Text book mai bakah ram leh hnam tana chhenfakawm min zirtir thin turin kan beisei che u a ni," a ti bawk. Programme hi MZP Vice President Lalsangzuala Ngente kai hruaiin zirtirtu National & State Award dawng tu mi 23 hnenah chawimawina thu ziak an hlan bawk a ni.