ZALEN, December 13, 2025: Excise & Narcotics Department (END) chuan kumin kum tir atanga November 30, 2025 thleng khan chhiah chi hrang hrang Rs. 220,84,156 an hmu tawh.

END hian kumin thla 11 chhung khan heroin kgs 33.914, ganja kgs 187.475, methamphetamin kgs 284.305 bakah ruihhlo chi hrang hrang engemaw zat an man tawh a. Ruihhlo phurhna atana hman lirthei two wheeler 68, LMV 83, MMV pakhat leh HMV pali an man tawh bawk.

ND&PS Act, 1985 hnuaiah thubuai (case) 473 ziak lutin mihring 824 man an ni a, MLP Act 2019 hnuaiah case 5,836 ziak lutin mihring 5,319 an man a, ME Act 1973 hnuaiah thubuai 301 ziah a niin mihring 261 an man a. Drugs & Liquor Law hnuaiah ram dang mi 52 an man tawh bawk.