ZALEN September 10, 2026: Excise & Narcotics Department leh Kolasib Venglai East Branch YMA thawk dun chuan September 9, 2026 (Nilaini) zan khan NH 306, Kolasib Venglai East-ah Assam atanga rawn phurh loh zu thahnem tak – IMFL (750 ml) case 150 (bottle 1800) leh Canned Beer (500 ml) case 50 (Can 1200) leh a neitu nia puh an man.

Heng zu neitu-a puh, Parul Hussain Laskar (24) s/o Rahim Uddin Laskar, Rajnagar, Bagha Bazar, Cachar District, Assam leh Saruk Ahmed Bharbuiya (26) s/o Samsud Uddin Bharbuiya, Satyagaram, Bagha Bazar, Cachar District, Assam-a khawsa nia inchhalte chu an man a, zu phurhna atana an hman TATA Hyva Tipper (Regn. No. AS11E-4260) pawh man a ni bawk.  

Excise & Narcotics Department hian tukin zzing dar 3:00 khan Bung Bungalow vengah Truck pakhat atangin Zu – IMFL (750 ml) case 267 (Bottle 3204) leh Canned Beer (500 ml) case 280 (Can 6720) an man bawk a ni.