ZALEN Oct. 24, 2025 : Ex - Mizo National Army (Ex-MNA) chuan Forest Conservation Amendment Act (FCAA) 2023 hnuk kir turin Mizoram sawrkar an ngen.

Vawiin a thuthar thehdarhtute an kawmnaah an president Rochungnunga chuan FCAA chu Mizo hnam tan a him lo tih sawiin, an duh lo tih a sawi. "He bill pass tute hi Mizoram in humhimna bang sat chhe tu ah kan ngai a ni," a ti.

Joint Civil Society of Mizoram te ngenna an tihhlawh chham avangin MNF chuan October ni 29, 2025 ah total band nei turin an inbuatsaih mek tih an president chuan sawi bawkin, total band neih kher ngai loa hnuk kir leh mai turin Mizoram sawrkar an ngen thu leh chuti ni lo a total band neih a ngai a nih chuan a tawp thlenga an thlawp tlat tur thu a sawi.

#ZalenNews