ZALEN May 30, 2025 : Nizan khan Lal Thanhawla Auditorium-ah Dilna Chhangtu (Lallawmzuali hlate) tih Music Video album chu Upa Malsawmdawngliana'n Pathian hnena hlanna a nei.

Album preview hi Chris MS Dawngkima'n neiin hla phuahtu Pi Lallawmzuali'n thu sawina hun a hmang bawk. He album ah hian hla 10 awmin zaithiam hrang hrangte'n an sa a ni. He MV hlan rual hian hla phuahtu Lallawmzuali'n a hla phuah chhan a ziahna lehkhabu Dilna Chhangtu (Min hruaina leh hrualna) tih chu hlan tel nghal a ni bawk.

He album-a zaite hi an era zaithiam an kim hle a, tun hma deuh zaithiam Melody leh Tetea te, zaithiam chuai har Duhsaki te bakah Praise On 2024 pakhatna Thlanawma leh top 5 Maria te niin he album buatsaih nan hian thla 7 vel hman a ni.

Hla phuahtu Lallawmzuali hi Synod Higher Secondary School-ah lecturer thawk lai a ni, Ramhlun South ah chhungkuain an cheng mek a ni.