ZALEN May 29, 2026 : Vawiinah khan Serchhip district legal services authority te chuan Jagrity Scheme hnuaiah naupangte dikna leh zalenna humhalh chungchanga hmalakna pawimawh tak "Awareness Program on POCSO" chu Govt. Ngentiang Middle School-ah hlawhtling taka hman a ni.

He hun hi Lalremmawia Pachuau, Govt. Middle School Headmaster-in a kaihhruai a, Ngentiang khaw chhunga sikul 4 (Govt. Primary School, Govt. Middle School, Presbyterian English Medium School, leh Ngentiang High School) aṭangin zirlai leh zirtirtu 146 an kal khawm a ni.

Resource Person-ah Vanlalpeki, Advocate hman a ni a, ani hnen aṭang hian POCSO Act hnuaia naupangte laka hleihlenna hrang hrang laka inven dan leh thil dik lo a thlen thut pawha report dan kawngte ngaihthlak a ni.

Zirlaite leh zirtirtute aṭangin zawhna hrang hrang awmte chu Resource Person hian a chhang nghal bawk.

#NALSA