ZALEN July 28, 2026: Higher & Technical Education Minister Dr Vanlalthlana chuan vawiin khan a pisaah a thlawna online IAS Coaching zir thei tura thlanchhuah Mizo zirlai mi 15-te kawmna hun neih a ni.

Higher & Technical Education Minister Dr. Vanlalthlana chuan Mizo zirlaite tana a thlawna IAS online coaching kum 2 chhung atana buatsaih a ni chu Higher & Technical Education Department hotute thahnemngaihna te, Mizo thalaite tana Arun Balgotra, IPS inpekna te leh Shankar IAS Academy-te thilphalna vang a ni, tiin lawmthu a sawi a ni. 

SDPO Aizawl North, Arun Balgotra, IPS hian Mizo thalaiten a thlawna IAS Coaching an kal theihna turin­­ Shankar IAS Academy, Chennai te leh Mizoram Sawrkarin thawhhona an neih theih nan hma a la a. Vawiin inkawmhona naah pawh hian fuihna thu a sawi a ni.