Aizawl: Mizorama service mek, Pawan hans helicopter chu damlo leh VIP phurh nan Mizoram chhung leh Mizoram pawnah tum 94 charter (hman) a ni tawh. Zalen palaiin GAD Aviation Wing atanga thu a dawn danin December, 2015 thleng khan Aviation wing hian sawrkar sum bawmah Rs. 1,09,69,710 a chhunglut tawh a. Helicopter hman man hi sawrkar laipui (Home Ministry) chuan 75% a tum a, a bak 25% hi Mizoram sawrkarin a tum ve a ni. Pawan Hans hi ni 21 August, 2012 atangin Mizoram ah a service tan a, tunah hian khaw 11 ah a service mek a. Khaw 7- Champhai, Kolasib, Mamit, Hnahthial, Serchhip, Saiha leh Lawngtlai ah te helipad siam zawh a ni tawh a, tunah hian Lunglei, Saitual leh Mualpui ah te siam mek a ni.