ZALEN March 27, 2026: Excise & Narcotics Department leh CADS, CYMA thawk dun chuan Heroin an man.

Excise & Narcotics Department leh CADS, CYMA thawk dun chuan March ni 26, 2026 (Ningani) zan dar 10:15 khan Tuirial-ah Heroin gram 351 (Hawng 31) leh a neitu nia puh - Lalawmpuii (36) d/o Lalramenga, Ramhlun Vengthar, Chawngbawla Section, Aizawl-a khawsa nia inchhal an man a. Heroin phurh kualna lirthei Alto Car Regn. No. MZ01 F-3649 pawh hren niin he car khaltu, R. Lalmalsawma (51) s/o R. Hrangkhuma, Ramhlun Vengthar, Chawngbawla Section, Aizawl-a khawsa nia inchhal pawh hren nghal an ni.

Heroin vanga mante hi Section 21( C ) of The Narcotic Drugs & Psychotropic Substances Act, 1985 (NDPS Act) hmangin thubuai siamsak an ni a, District & Sessions Court, Champhai-ah hruai nghal an ni.

Court-ah thiamloh an chang a nih chuan Kum 10 atanga kum 20 Jail tang tur leh pawisa Cheng Nuai 1 atanga cheng nuai 2 thleng chawi bawk tura hrem theih an ni ang.

#ZalenNews