ZALEN Feb 11, 2026 : Central Anti-Drugs Squad (CADS) te chuan nimin khan Champhai aṭanga Aizawl a ruihhlo rawn tawlh lût ṭhîntu leh a ruihhlo rawn ken Heroin (No. 4) Hawng 3 an man.

Thudawn danin, he ruihhlo zuar hi hun eng emaw chen CADS-te hian an lo chhui leh lo veh tawh a ni a. Nimin zing khan a ruihhlo neitu ngei hi man fuhin, a thil rawn ken Heroin (No.4) leh amah chu Excise & Narcotics Deptt. kutah an hlan.

He hmalakna chungchangah hian CADS te chuan ruihhlo chu kan ṭhalaite nun tibuaitu leh an nunna hlu tak laksaktu a nih avangin ruihhlo leh ruihhlo zuarte chu khawi hmunah pawh awm se, dapchhuah hna hi an chawlhsan dawn loh thu an sawi.

#ZalenNews