ZALEN, July 27, 2025: Zirtawpni zan khan Mizo Idol star T Vanlalhmangaihi chuan a solo album hmasa ber tur atanga a single video hmasa ber tihchhuah tura tih kha a ni; mahse, ruahman angin thil a kal thei lo.

Hmangaihi hian a single video thar — Tawnmang Biahthu — chu tihchhuah tumin hma a la. Mahse, harsatna lian tak a neih avangin, Zirtawpni zan khan a tichhuak leh thei ta lo a, pawi a tih thu sawiin, hriatthiam a dil. 

Mizo Idol 2022 chuan a single video — Tawnmang Biahthu — tih chu a music video in tichhuak thei lo mah se, a audio erawh chu social media platform hrang hrang heng - YouTube, Spotify, Apple music, YouTube music leh adt-ah ngaihthlak theih turin a chhawpchhuak ta tho a. A music video pawh a rang thei ang bera tihchhuah a tum thu a sawi bawk.