ZALEN July 16, 2025 : 1st North East Basketball Tournament 2025, Assam Valley, Balipara Assam-a July 12-15, 2025-a neih zawh takah Mizoram aiawh a tel Mt. Carmel School, Chaltlang Basketball Team te chu an champion.

Mt. Carmel School hian Final-ah Assam Valley School Black te chu hian 96-52 in an hneh a, he tournament-a player hlu ber Most Valuable Player (MVP) atan Mt Carmel School BSB Team player Jason Vanlalhruaia, Chanmari Veng chu thlan a ni.

Mt. Carmel Basketball team-ah hian zirlai 12 an tel a, Coach hi Lalruatfela a ni a, Asst Coach chu John Lalchhanchhuaha niin Mt Carmel School Cooridinator Sir John MS Dawnga Sailo chuan a ho bawk.