ZALEN April 23, 2026 : Mizoram Board of School Examination hnuaia High School Leaving Certificate Exam 2026 chu vawiin chhun dar 12:00 khan tihchhuah an ni a, exam 18257 atangin 14665 an pass a, pass percentage hi 80.31% a ni. Tun tumah hian School pass kim 146 an awm a, pass awm miah lohna school 13 an awm.

Tun tumah hian school hminga exam zingah mipa 8298 an awm a, hmeichhia hi 9665 an awm thung a, private-ah hian mipa exam 150 an awm a, hmeichhia 144 an awm. Mipa hi 6776 an pass a, pass percentage hi 81.66% a ni a, hmiechhia 7741 an pass a, pass percentage hi 80.09% a ni. 

District ang zawngin Aizawl district an titha ber a, 89.60% an pass a, Serchhip-in dawtin 89.51% an pass a, ti tha pathumna district chu Kolasib district niin 84.13% an pass. Lawngtlai district chu tichhe ber niin 61.49 an pass a, Saitual chuan dawtin 62.21% an pass a, Lunglei district pass percentage chu 65.80% a ni.

High school enkawl dan hrang hrangah Deficit School te an ti tha ber a, pass percentage hi 96.92% a ni a, Private School te 89% an pass a, Lumpsum School te 77.47% an pass a, Aided school te 72.66% an pass a, Government School te pass percentage chu 72.07% a ni a, Private candidate te pass percentage hi 49.66% a ni.