ZALEN November 3, 2025: Hulhliap Short Stay Centre batch 5-na, Synod Revival Camping Centre, Neihbawia neih meka camp-a lut chhungte chu vawiin khan Sponsorship & Referral Services Task Group ruahmannain, Dawrpui Multipurpose Centre-ah sawm khawm an ni. 

Malsawmzuala Ralte, Chairman, 'Core Committee on Hulhliap' in inkhawm kaihruaiin, inlawmna thu a sawi a. Zonunthari, Convener, Task Group on Sponsorship & Referral Services in Hulhliap chungchang sawifiahna leh camp neih tawh chin report a pe. 

Dr. Henry Zodinliana Pachuau, Professor, MZU, Task Group on Sponsorship & Referral Services member; Vanlalchhanhimi, Counsellor, SSWRC leh Moses Zofaka, MDUF, Task Group on Sponsorship & Referral Services member te chuan thu an sawi. 

Resource person te hian Hulhliap camp a lut mek te an lo chhuah huna an nu leh pa, chhungten an lo dawnsawn dan tur, hmangaihna nena lo kuangkuah a, an nih ang anga lo pawm thiam a tul thu te, chhungkuaa hun hman ho, kohhran leh khawtlanga tah luh a pawimawh zia te an sawi. 

Hemi bakah hian Hulhliap volunteer te kaihhruainain inkawmhona hun hman a ni bawk a, kalkhawm ten hlawkthlak an ti hle.

Hulhliap Short Stay Centre camping hi thawh 5-na neih mek a ni a, thawh 6-na chu November 17 a luh tur a ni a, December thlaah erawh camp a awm dawn lo a. Ruahman dan chuan March 2026 thleng kalpui tur a ni.