ZALEN May 30, 2027 : Mizoram Independent School Association (MISA) chuan nimin khan Aijal club- ah General Body Meeting leh inthlanna neih a ni. ICSE leh CBSE Board te zawm phalna pek an nih vangin sawrkar chungah lawmthu an sawi a, MBSE hnuai Board exam-ah merit list dah leh turin an ngen bawk.

He Meeting ah hian thu hrang hrang rel a ni a, thurel thenkhate chu : 

Mizo naupangte’n zirna sang zawk leh tha zawk an neih theih nana ICSE leh CBSE Board te zawm phalna NOC min petu sawrkar leh Education Department chungah MISA chuan lawmthu a sawi a ni.

MISA School ten zirlaibu (textbook) ngawr ngawr duh tawk mai lo va zirlaite kawng hrang hranga an thiamna leh theihna te an phochhuah theih nan Co-curricular lama inelna school leh naupangte inkarah a tam thei ang ber buatsaih ni se.

North East State tam zawk ten an Board Exam- a topper te an tarlan vek lai a MBSE in naupang thiamthei leh chawimawi phu ngawih ngawih te hmingthatna a thup bo hi tha kan ti lo va, Merit List, Subject Topper List leh Pass na Division hi tilang leh turin sawrkar ah hma lak ni se kan ti.

He hunah hian hruaitu thar an thlang a, chung te chu:

President    - Lalnunkunga Sailo, Mount Carmel

General Secretary   - Andrew Lalremkima, Neuhof School

Treasurer   - Lalrinmawii Khiangte, Ebenezer Boarding School

Hruaitu thlan tharte hian an thawhpui tur Office Beares-te an ruatchhuak ang.