ZALEN May 23, 2026: Mizoram Sawrkar Holiday List ah May 27, 2026 (Nilaini) chu chawlh tia tarlan ni mah se, Id-Ul-Zuha (Bakrid) chu May 28, 2026-ah hman a nih dawn tak avangin, sawrkar chawlh chu May 28, 2026 (Ningani) ah sawn a ni tih vawiin khan GAD chuan thuchhuah a siam.

Department of Personnel, Govt. of India, Ministry of Personnel, Public Grievances and Pensions, New Delhi-in ni 03.07.2025-a Office Memorandum a chhuah paragraph 5.2 angin, competent authority chuan Id-Ul-Zuha (Bakrid) Holiday chu 27 May 2026 (Nilaini) atangin 28 May 2026 (Ningani) — Zil Hajj thla ni 10-na — ah sawn a phalsak a ni.

Hemi ni-ah hian Sawrkar Office zawng zawng, Public Sector Undertakings, Educational Institutions leh Banking Institutions te chu khar vek a ni ang.