Aizawl: MNF Senior Vice President Tawnluia chuan, “Mizorama dan kan hman mek Inner Line Regulation Act 1873 hi Remna thuthlung khan a nem nghet a, he Dan hi India sawrkar pawhin Mizoram sawrkar remtihna tel lo chuan a thiat emaw,a siam tha ngawt thei lo a ni,” a ti. Nimin Republic Vengthlanga an party in mithar an lawmluhna hunah he thu hi sawiin Tawnluia chuan ILR chu remna thu thlungah nghet taka dah a ni tih a sawi a. Hei hi India sawrkarin a thiat lui anih chuan Mizote kan awm dan tur chu ngaihtuah nawn a ngai dawn niin a sawi a. “ILP hi Meghalaya leh Manipur pawhin an awt ve em em a,keini chu kan vannei bik hle a,kan humhim tlat zel tur a ni,” a ti bawk.